يا شيخ باح الصبر..
مِنِّي عليكم ياهل العوجا سلام
واختص أبو تركي عمى عين الحريب
يا شيخ باح الصبر من طول المقام
يا حامي الوَنْدات يا رِيف الغريب
اضرب على الكايد ولا تسمع كلام
العز بالقَلْطات والراي الصِّليب
لو ان طِعِت الشُّور يا الحر القطام
ما كان حشت الدار واشقيت الحريب
أكرم هل العوجا مدابيس الظلام
هم درعك الضافي إلى بار الصحيب
وهذه قصيدة للشاعر فهد بن دحيم:
يا صَلِيب الرأس..
جت لابو تركي على ما تمنى
يوم خلَّى السيف يرعف ذُبابه
شيخنا سيِّر بنا لا تونا
من سعى بالحرب حنا ذهابه
يا صَلِيب الراس زبن المُجنَّا
من سلايل وايل يلتجى به
حِنْ هل العوجا نُسابق دَخنَّا
فِعْلنا بيِّن وكل درى به
كم صبي طاح يشكي طعنَّا
فارق الدنيا وفارق شبابه
لاحتمى البارود منهم ومِنَّا
لابتي تاطا الخطر ما تهابه
وأيضاً للشاعر فهد بن دحيم:
يا نجد حنا لك
مِنِّي عليكم ياهل العوجا سلام يزيد
واختص ربعٍ بالمراجل تظهر حقوقها
فروخ الحرار اللي تطلَّع في نهار الهديد
من نسل أبو تركي شبوب الحرب بسبوقها
حنا هل العوجا وحنا اللي نرد الضديد
والطَّايله يحظى بها من عز طاروقها
يا نجد حنا لك على الداعي كعام الضديد
والله ما نرخص بها وسعود عشيقها
يا لابتي هَرْج المجالس بالرخا ما يفيد
يقطع صبي ما يرد النفس عن بُوقها
لي قيل أبو تركي من العوجا نوى بالشديد
عبد العزيز اللي يسوق المر بحلوقها
وقصيدة أخرى للشاعر فهد بن دحيم:
حنا هل العادات..
سلام يا شيخ على الحكام صِيته رفيع
لين اصطفق في نجد تسكن عقب زلزالها
نمشى براي الله ثم براي أبو الجميع
عبد العزيز اللي ملك نجد وحمى جالها
لي جا نهار للجنايز فيه مثل الصريع
يمِّن جوانبها ويقعد ميل عيَّالها
كم راس راس عاصي عقب الصَّعا له يطيع
سلطان نجد وهقوته محدٍ تَهَقْوَى لها
واثنى على اللي بالملاقا للسبايا وديع
سلطانا لي كبرة القالات شيَّالها
عبد العزيز ان باعوا الشيمة هله ما يبيع
لاستصعبت يحلها ويخلص أشكالها
وهذه قصيدة أخرى للشاعر فهد بن دحيم أيضاً:
حن هل العوجا..
شيخنا سلطان كل القبايل
أعلنت له بالثنا اربابها
ياخذ الطولة على كل طايل
هقوته محدٍ تهقوى بها
أبو تركي لا قبل الضد صايل
ياخذ الطولة ويحظى بها
حن هل العوجا إلى جَت صمايل
وشيخنا اللي نجد عيَّا بها
كم صبي يحتظي بالجمايل
ما يهاب النار يا طابها
ودك اللي ما مضى له فعايل
يلبس الشيلة يغطى بها
وأيضاً للشاعر فهد بن دحيم:
حِنْ هل العادات..
نجد شامت لابو تركي واخذها شيخنا
واخمرت عشَّاقها عقب لَطْم خشومها
لي بكت نجد العذية تهل دموعنا
بالهنادي قاصرين شوارب قومها
حِنْ هل العادات ومخضِّبين سيوفنا
والطيور الحايمة جادعين لحومها
صعبةٍ افعالنا لي بغاها غيرنا
وكلمة التوحيد حنا عمار رسومها
حِنْ هل العوجا نهار الملاقى عيدنا
والجزيرة كلّها مِد بين قُرومها
لابتي عُوج المراكيض هذا سوقنا
بيعوا الارواح في الهوش باول سومها
وهذه قصيدة للشاعر عبد الرحمن بن صفيان:
ضرب المعادي
لي صاح صياح المنادي
وقالوا ترى ما مِن سلام
عاداتنا ضرب المعادي
والذيب يشبع مالجهام
وقصيدة أخرى للشاعر عبد الرحمن بن صفيان:
نحمد الله
نحمد الله جت على ما تمنَّى
من ولي العرش جزل الوهايب
خبر اللِّي طامع في وطنا
دونها نثني إلى جت طلايب
واجد اللي قبلكم قد تمنى
حربنا لي راح عايف وتايب
يا هابيل الراي وين انت وانّا
تحسب انّ الحرب نهب القرايب
لي مشى البيرق فزيز ومه انا
حن هل العادات واهل الحرايب
كان ما نجهل على اللي جهلنا
ما سكنا الدار يوم الجلايب
ديرة الإسلام حامينه انّا
قاصرين دونها كل شارب
الجمعة يناير 04, 2008 8:56 am
